Friday, November 23, 2012



ГОТСКА ЖЕНА

Готска жено,ти нема прозбори!
Откри заспани мисли,
тешки камења скрши,железна порта отвори,
замок од јад на проколната чеда пронајде.
Под наметка сокриени желби,
душа вековна сокриена,
темниот месец тајна открива
деца на ангел црн,искршени крилја.
Во празнина заробена тишина,
сенки на изгубени души по пат чекорат,
огледало на темнина во око скршено
изгубен е патот до светлина.
Вие што болка сенка ви е
кажете како мириса земјата,
во око на изгубен талкач роза црна,
ангел со искршени крилја во темнина заробен.
Напијте ме,нахранете ме ,
во раце книга на сенка дај те ми
во неа тајна на месецот запишан
во неа сите тајни на смртта јалова.

Даница Петровска
Од книгата„Готска жена„

0 comments:

Post a Comment

Open Panel